Brandpunte in Bewaring

Klik op die artikel titels hieronder om meer te lees

Vuurwapenwet dalk strenger President Jacob Zuma het ag geslaan op beroepe om die vuurwapenwet te hersien en te kenne gegee dat die regering daaraan aandag sal gee.  Tydens 'n vergadering van die Nasionale Raad op Provinsies, het die regering kommer uitgespreek oor die toename in die wapenverwante geweldpleging in Sui-Afrika.

Wild as bate laat bedryf blom Suid-Afrikaanse bewaringsinstansies se besluit om wild ’n ekonomiese bate vir private grondeienaars te maak, het wildgetalle eksponensieel laat groei. Die land is ’n voorbeeld van oordeelkundige natuurbewaring, sê dr. George Hughes, voormalige uitvoerende hoof van die destydse Natalse Parkeraad. Hy het op die SA Jagters- en Wildbewaringsvereniging se dinee gesê die media het Suid-Afrika nooit die nodige krediet gegee dat hy die beste wildlewebedryf in die wêreld het nie.

Wettiging van handel in renosterhoring oorweeg Suid-Afrika maak 'n verskil om die toename in renosterstropery te bekamp en oorweeg die wettiging van handel in renosterhoring om die doodmaak van hierdie diere te stop, aldus die Departement van Omgewingsake.

Owerhede het ses maande om indringerplante te bekamp Bewaringsdeskundiges het 'n hofuitspraak verwelkom wat omgewingsowerhede in Durban ses maande gun om indringerplante onder beheer te bring. Die SA Nasionale Biodiversiteitsinstituut (SANBI) het gesê regeringsdepartement en munisipaliteite het gefaal om planne te beraam om indringerplantspesies te beheer. Hierdie plante is 'n bedreiging vir die oorlewing van inheemse spesies en mense se gesondheid. Die Kloof Conservancy het in Desember 2012 'n interdik teen die minister van water en omgewingsake gekry om die nasionale lys van indringerplante te publiseer en toe te pas.

UP navorser vind manier om wilde diere se welstand te bevorder Die vang en chemiese immobilisering van wilde diere vind al vir jare plaas (d.m.v. chemiese middel wat met 'n pyl toegedien word) maar baie min is nog bekend oor die kort en langtermyn gevolge wat hierdie metodes vir diere inhou. Dr Leith Meyer van UP se Veeartsenykundige dienste se farmakologie-afdeling is vasberade om oplossings te vind wat die welstand van wilde diere sal verbeter. Sy navorsing sal wildveeartse en ander bewaringspraktisyns help om die beste chemiese vangtegnieke toegepas word.


Inyathipark Nuus Nov 2014

Hierdie is my eerste nuusbrief met boodskappe uit die stoel van die HUB van die SAJWV. Baie dankie dat u my die geleentheid bied om op hierdie wyse met u in gesprek te tree. Ek waardeer dit opreg. Ek beplan om op gereelde basis op hierdie wyse met u te probeer kommunikeer om boodskappe vanaf die Raad en die Vereniging aan u oor te dra oor ‘n verskeidenheid van onderwerpe.

Omdat daar ‘n hele klompie sake is waaroor ek inligting sou wil deel mag hierdie boodskap langer wees as dit wat u normaalweg sou verwag.

Language

I will deliberately use both Afrikaans and English to communicate with you. I know there are some members who prefer to only receive communication in Afrikaans while there are also some members who can only read and understand our communication in English. I am a pragmatist that believes that all of us are required to give or offer something to the benefit of the Association as a whole, hence the approach to provide some information in either of the languages. In this way everybody offers something to the process. I also believe that it would be an inappropriate use of time to sit and translate the full document to have it available in both Afrikaans and English. I would prefer using the time and money of the association much better than to merely sit and translate documents or have it done on my behalf.

Lees meer...

Inyathipark Nuusbrief Augustus 2014

Transvaal-tak se Ford Figo kompetisie

Die SAJWV se Transvaal-tak het in April 2014 sy grootste projek tot dusver geloods. Dié kompetisie waarin ʼn Ford Figo 1.4 Ambiente van Action Ford Krugersdorp gewen kon word, was  ʼn fondsinsamelingsprojek om ʼn nuwe, veiliger skietbaan vir die tak se lede beskikbaar te stel. Behalwe vir die motor as eerste prys, is pryse ook geskenk deur Hot Power, Camdix en ander borge. Kaartjies vir hierdie kompetisie was te koop by Huntex, die Veteraan Motorskou in Krugersdorp, die Bokkoorsfees in Ventersdorp asook by ander kleiner gebeurtenisse.

ʼn Totaal van 7800 kaartjies (teen R20 elk) is verkoop wat vir die Transvaal-tak R156 000 opgelewer het. Die prystrekking vir die Ford Figo vind op 4 September om 19:00 by Action Ford in Krugersdorp plaas. Die Transvaal-tak nooi almal wat kaartjies gekoop het vriendelik uit om die geleentheid by te woon. Wie weet – dalk is jy die wenner!

Magnum-aanbod

Lede word herinner dat die spesiale aanbod op die intekenaarsfooi vir Magnum tydskrif steeds van toepassing is. Lede van die SAJWV kan nou vir ’n jaar (12 uitgawes) teen ʼn spesiale prys van R 320.00 (BTW en posgeld ingesluit) op MAN Magnum inteken. Dit is ʼn besparing van R94 op die rakprys. U kan die MAN Magnum inteken vorm hier van ons webwerf aflaai.

Lees meer...

Inyathipark Nuus September 2014

Toegewyde aktiwiteitsverslae

Lede word herinner om hulle toegewyde aktiwiteitsverslae voor die einde Oktober by Inyathipark in te handig. Indien jy reeds aan die vereistes om jou toegewyde status te behou voldoen, en ‘n sms  ter bevestiging hiervan ontvang het, hoef jy niks verder te doen nie. Indien jy nie 'n sms ontvang het nie, maar jy het wel jou aktiwiteite op die lede administrasie webwerf aangedui het, vra ons dat jy jou kontakbesonderhede op jou aanlyn SA Jagters profiel sal na gaan.  Indien jy nie jou aktiwiteite op die webwerfkan aanbring nie, kan jy die aktiwiteitsverslag hieraflaai en aan This e-mail address is being protected from spambots. You need JavaScript enabled to view it stuur.

Lede moet hulleself weer vergewis van die minimum vereistes om hul toegewyde status te behou, nl:

Toegewyde Jagter:

'n Minimum van twee (2) aktiwiteite per jaar: Jagte en SAJWV verwante tak/skietaktiwiteite word oorweeg en sluit in bywoning van enige amptelike tak, streek of nasionale SAJWV geleentheid of dienste gelewer as 'n baanoffisier tydens enige van hierdie aktiwiteite. Nie-SAJWV skietaktiwiteite kwalifiseer nie as 'n geldige skietaktiwiteit vir Toegewyde Jagterstatus nie.

Lees meer...


Inyathipark Nuus Julie 2014

2014-15 SAJWV Begroting en Ledegeld

SAJWV se Uitvoerende Komitee het die 2014/2015 begroting by sy jongste vergadering in Junie goedgekeur.

Die belangrikste aspekte om van kennis te neem, is die volgende:

  • 'n R70-verhoging in gewone ledegeld, dus van R640 tot R710 (dit sluit 'n bedrag in van R37.50 vir die direkte verhaling van die vrywaringsversekeringspremie en R10.00 ten opsigte van die verhoging in die prys van SA Hunter tydskrif). Indien die kosteverhalingsitems nie bygereken word nie, is die werklike verhoging slegs R20.50 of 3.2% wat sowat 40% van die inflasiekoers is
  • 'n Verwagte aanwas van 3 300 lede
  • R470 000 vir die uitbreiding van die bemarking- en skakelfunksie
  • 'n Gemiddelde verhoging van 8% in salarisse vir SAJWV-personeel
  • R660 000 vir verdere ontwikkeling van sagteware
  • Die beëindiging van die diensverskafferkontrak met Marion en die implementering van ons eie administrasiestelsel wat uiteindelik aansienlike maandelikse besparings tot gevolg sal hê
  • Taksubsidies wat 9% (R1.6 miljoen) van gewone ledegeld uitmaak
  • Voortgesette substansiële bydraes deur SA Hunt Publishing (Pty) Ltd en HuntEx

Hierdie begroting maak voorsiening vir 'n oorskot van R220 000 ná totale uitgawes van bykans R27 miljoen.

Lees meer...